اخوان متزوجين وقاعدين في بيت واحد حريمهم وحده ربةبيت ووحده موظفه ربة البيت مهمله بنفسها في سبيل تلبية كل متطلبات الزوج والعيال مو مقصره على بيتها اي شي وزوجها قبل لا يطلب منها اي شي يكون عنده وعلى طول مقابلته
أما الموظفه على طول تتطنز على مرت حماها(ربةالبيت) عند رفيقاتها المدرسات في المدرسه وتقول : واي لوتشوفون مرت حماي تحوم الكبد وريحتها خايسه ومهمله بنفسها وزوجها يكسر الخاطر قالت وحده من المدرسات اللي معاها: زوجيني حماك والله اهتم فيه الخبلة كبرت في بالها الفكره وقالت حق زوجها عندي عروس خوش وحده حق اخوك المهم فاتحو الاخو بالموضوع ليما وافق وبيوم الملكه لبس وكشخ وقاعده تبخره المسكينه سألها شرايك فيني؟؟؟قالت له ماشالله كنك معرس
ضحك وقال صدق انا اليوم معرس مسكينه ما نتبهت المهم هالمسكينه كانت معزومه بهاليوم وكاشخه ولابسه وطلعت مع طلعت زوجها
لمحت طرف جزمت زوجها انه مغبر راحت المسكينه ونزلت لي رجول زوجها وخذت طرف فستانها وقعدت تمسح جزمته من هالموقف حلف انه مستحيل يحط وحده على راسها قاله اخوه عيب احنا مواعدين الناس وماخذين منهم موعد امش يابن الحلال لاتفشلنا قال والله اني ماروح ولا اغث زوجتي شصار بعدين ؟؟
الصبح راحت الموظفة دوامها ومعاها الحلو والشاي والقهوه تحتفل برفيقتها باركت لها وقالت لها.. عاد هالله هالله بحماي ديري بالك عليه واهتمي فيه ردت عليها رفيقتها وقالت لها: يالخبله انا خذيت زوجك مو حماك لان زوجها كان بينقذ الموقف وراح ملك عليها
عامل الناس بطيب أصلك ولا تقول ( سو خير وقط بحر ) ما في شي ضايع عند ربك
